Brutal

Thursday, November 26, 2009

57 people ang patay sa Maguindanao matapos tambangan ng mga armadong grupong pinaghihinalaan na loyal sa mga Ampatuan. Kasama sa mga napatay ay 18 na mamahayag, ang asawa at dalawang kapatid na babae ni Vice Mayor Toto Mangudadatu, mga aides, at mga abugado na natagpuan na pinagbabaril, ginahasa ang ibang mga kakabaihan, pinatay, at saka inihulog sa isang mababaw na hukay sa Maguindanao. 

Dapat sana magfifile ng Certificate of Candidacy sa isang electoral office ang asawa ni Mangudadatu dahil kakandidato si Toto Mangudadatu para sa pagka-Gobernador sa darating na halalan laban sa anak ni Gov. Datu Andal Ampatuan na si Mayor Andal Ampatuan, Jr. 

Maraming Pilipino ang kinokondena ang karahasan sa Maguindanao at ito na raw ang pinakamarahas na kaganapan na may relasyon sa eleksyon sa Pilipinas. In short, Brutal! 

 

Sa sobrang brutal, sa unang pagkakataon, hindi i-dedeny ng gobyerno ang mga news bulletin tungkol sa pagbiyahe sa Pilipinas na ilalabas ng ibang bansa lalo na sa Mindanao.Tinanggap nga nila ng maluwag sa puso na ang Pilipinas ay dineklara na “Unsafest Place for Journalist in the World”.

Sa sobrang brutal, na-windang ulit ang Lakas-KAMPI-CMD dahil mababawasan na naman sila ng miyembro at problema nila ngayon kung paano magiging kulelat sa Maguindanao ang mga kalaban nila sa darating na eleksyon. 

Sa sobrang brutal, napalingat nito ang tao papalayo sa isyu nila Manny, Jinkee, at Krista. 

Sa sobrang brutal, headline na naman tayo sa lahat ng international news organizations pagkatapos ng pagkapanalo ni Pacquiao kay Cotto at ang pagiging 2009 CNN Hero of the Year ni Efren Peñaflorida.

Sa sobrang brutal, nasabi ni Gilbert “Gibo” Teodoro “I am well prepared for any political repercussion this expulsion will bring on my presidential campaign.” In short, dahan-dahan nang tinatanggap ni Gibo na maari silang matalo ni Edu. 

Sa sobrang brutal, sa matagal na panahon pagkatapos ng Hello Garci! scandal, hindi alam ng gobyerno kung ano talaga ang gagawin nila at kung papaano lulutasin ang krimen na ito. Napabalita kasi na malaki ang utang na loob at kaalyado ni PGMA ang mga Ampatuan. Matataandaan na landslide ang pagpanalo ng LAKAS-CMD noong nakaraang halalan sa Maguindanao.

 

Ang Baliw Balita ay nanalangin at naniniwala na hindi pababayaan ni Bro ang mga naulila at ang Maguindanao. Naniniwala at nanalig ang Baliw Balita na makakamit ang hustisya ng mga biktima ng massacre sa takdang panahon.

Isang Tanong: The GMA Presidential Forum (Part 1)

Monday, November 23, 2009

Naniniwala ako na bilang botante na karapatan natin na makilala at makilatis mabuti ang mga naghahangad na manungkulan sa bayan lalo na ang mga gustong maging Presidente. Panoorin ang show na gawa ng GMA Network na kikilala at kikilatis sa mga 2010 Presidential aspirants. No copyright infringement intended. Isang Tanong: The GMA Presidential Forum is made by GMA Network, Inc. Ang Part 1 ay pinalabas ng GMA Network, Inc. noong November 22, 2009. 

Part 1

Part 2

Part 3

Part 4

Part 5

Part 6

Part 7

Part 8

Part 9

Part 10

Part 11

 

FEDERASYON

   

Nagsanib na nga ng puwersa si Manny Villar and Loren Legarda para maging Presidente at Bise-Presidente ng bansa. Sabi pa ng dalawa, magkasundo raw ang kanilang mga platporma, ang mga pangarap sa bayan, at karanasan sa pulitika: gusto nilang i-ahon ang bayan mula sa kahirapan, gusto nilang iligtas ang kalikasan, at pareho silang ayaw ni Sen. Chiz Escudero. 

   

Matatandaan na isa si Loren Legarda sa mga nagpa-imbestiga kay Manny Villar dahil anomalya sa C5 Extension Project. Nang tanungin ng aming chikadorang nagbebenta ng balut sa subdivision ni Loren kung totoong tatanggap ng malaking perang pinansyal si Loren Legarda para sa kanyang matamis na OO, eto ang kasagutan niya:

Loren Legarda: Ang aming pagsasama ay alyansa ng plataporma. Hindi pera-pera. Kung mayroong makinarya at organisasyon yan ay tutulong sa akin. Siyempre ako ay umaasa sa mga traditional donors, kaibigan, supporters, na tumutulong sa akin. Kung tulungan niya ako, salamat. At sigurado naman na tutulungan niya ako. At kung gustong mag-donate sa akin ni Manny Villar ng bahay at lupa sa may Daang Hari, bakit hindi ko naman tatanggapin di ba?

   

Nainis naman si Jamby Madrigal sa PAG-ASA kung bakit hindi nila na-predict na magbabago ng ihip ng hangin si Loren Legarda. Sabi naman ng PAG-ASA, weather-weather lang po yan.

   

Sinabi ni COMELEC Commissioner Nicodemus Ferrer na maraming bakla at lesbiana sa Kongreso, sa Senado, sa military, pati grupo ng mga relihiyoso. Hiningi naman ng aming chikadorang naglilinis sa House of Representatives kay Speaker Prospero Nograles ang reaksyon nito ukol sa sinabi ni Commissioner Ferrer:

Speaker Prospero Nograles: Ang pakiramdam ko nagbibiro lang naman si Sister Ferrer. Witchelles ko knows kung may mga badessa mae, mga pa-mhinta, at mga tiburcia. At kung knows ko man kung sinech sila, wit ko na ispluk ever at wit ko matsugi ang career ko, girl.

   

Ayon naman sa kaugnay na balita, magpapasa raw ng resolusyon ang Kongreso at Senado na magbabawal sa pagpapagawa ng “closet” sa lahat ng institusyon ng gobyerno. Ito raw ang nakikitang paraan ng mga Kongresista at mga Senador para maiwasan ang isyu na over-represented na ang mga Kongresista at mga Senador na bading.

  

Umalis na nga si Sergio Osmeña III sa partido ng Liberal Party o LP. Ang sabi pa ni Serge Osmeña III, “I’m going to be a people’s watchdog. I will not allow myself to be allied with any group”. Samantala, nag-react naman si Sen. Chiz Escudero ukol sa naging pahayag ni Osmeña:

Sen. Chiz Escudero: “Linya ko yan, eh! Hu! Hu! Hu!”

   

May mga bali-balita na hindi raw si Ralph Recto ang tunay na dahilan kung bakit umalis si Serge Osmeña sa LP. Ayon sa unconfirmed at unreliable source ng aming chikadora, kaya raw umalis si Osmeña ay dahil miyembro raw ito ng GANAP o ang Grand Alliance for Nora Aunor Philippines.

   

Ang dating undersecretary ng Department of Agriculture na si Jocelyn “Jocjoc” Bolante ay na-imbyerna sa broadcaster na si Korina Sanchez- Roxas. Pinagsabihan ni Jocjoc si Korina na dapat hindi na ito makialam
sa politika sa Capiz and stop acting like a “queen” of Capiz. Samantala, isang malakas na tawa ng lalake ang narinig at dumagundong sa may compound ng ABS-CBN. Napabalitang nagmula raw ito sa may newsroom ng ABS-CBN.

   

Hindi pa sigurado ang pambansang kamao na si Manny “Pacman” Pacquiao kung anong partido ang sasalihan niya sa darating na halalan. Napabalitang nalilito pa si Pacman at napilitan na i-kanta ang kanyang nararamdaman sa isang sikat na social networking site:

 

 

Binabati ng Baliw Balita si Efren Peñaflorida dahil siya ang tinanghal ng CNN bilang 2009 Hero of the Year at siya rin ang kauna-unahang Pilipino na nakatanggap ng parangal na ito. Ang programa ni Efren Peñaflorida na “Pushcart Classroom” ang nagsilbing inspirasyon at liwanag para sa mga mahihirap na kabataan na makapag-aral at umiwas sa mga masasamang elemento ng lansangan.

Tinawag ni Anderson Cooper ng CNN sa harap ng tatlong-libong tao sa Kodak Theatre ang pangalan ni Efren Peñaflorida bilang Hero of the Year.

Panoorin ang speech ni Efren Peñaflorida nang tanggapin niya ang parangal mula sa CNN:

“Our planet is filled with heroes, young and old, rich and poor, man, woman of different colors, shapes, and sizes. We are one great tapestry. Each person has a hidden hero within, you just have to look inside you and search it in your heart and be the hero to the next one in need.”

“So to each and every person inside in this theater and for those who are watching at home, the hero in you is waiting to be unleashed. Serve, serve well, serve others above yourself and be happy to serve. As I always tell to my co-volunteers … you are the change that you dream as I am the change that I dream and collectively we are the change that this world needs to be. Mabuhay!”

Mahigit sa 2.76 milyon ang bumoto sa CNN Hero of the Year.

Samantala, ipinagako naman ng pamahalaan na hindi na nila pipilitin ang CNN na idaan ang napanalunang premyo ni Efren Peñaflorida sa DSWD.

Wa-PAC-Man!!!

Monday, November 16, 2009

  
 

Nakuha ng People’s Champ na si Manny “Pacman” Pacquiao ang kanyang ika-7 korona nang mapatumba nito ang reigning welterweight king na si Miguel Cotto. Dahil dito, gumawa na naman ng kasaysayan si Pacman sa boxing. Ayon sa aming chikadorang nagbebenta ng popcorn sa laban ni Manny at Cotto, naghahanda na raw si Pacman sa kanyang susunod at tinuturing na pinakamahirap na laban. Narito ang pagpapalitan ng text ng aming chikadora with Manny Pacquiao:

Chikadora (C): Manny, may susunod ka na bang laban after this?

Manny (M): Oo, actually natatakot at kinakabahan. Dahil medyo malakas ang kalaban.

C: Talaga? Si Floyd Mayweather ba ito?

M: Hindi!

C: Huh? si Governor Dominguez ba ito na maari mong makalaban bilang Congressman sa Sarangani sa 2010?

M: Hindi!

C: Ha? Eh, sino nga?

M: Si Jinky! Nabasa niya kasi yung shoutout ni Gina Alajar sa Facebook tungkol sa amin ni Krista. Eh, sinabi ko na nga sa kanya noon promo lang yun nung Wapakman. Baka i-knockout ako mamaya ni Jinky. Takot ako!

 

Pasok na nga sa kasaysayan ng boxing ang huling panalo ni Manny “Pacman” Pacquiao nang ma-TKO niya si Miguel Cotto. Pero may iilan na taga-suporta ni Miguel Cotto ang gustong i-protesta ang pagkapanalo ni Manny Pacquiao. Narinig daw kasi nila diumano sa ilang coaching staff ni Manny na gumamit daw si Pacman ng performance enhancing drug kaya ito nanalo. Nang tanungin ng aming chikadorang nagbebenta ng hotdog ang mga taga-suporta ni Cotto kung ano ang kanilang narinig at ito ang sinabi nila:

Taga-Support ni Cotto (translated): Narinig kasi namin, gumamit daw si Manny kaya raw hindi gaanong nakalaban at nakaporma ang Cotto at lagi itong lumalayo kay Manny. Dinig na dinig namin na gumamit daw si Manny ng Head&Shoulders with Zinc yun daw kasi ang panlaban sa matinding Cotto.

  

May matinding Pacquiao showdown daw ang magaganap pagtapos ng Pacman-Cotto fight. Nagkakamali kayo kung ang iniisip niyo at Pacquiao-Mayweather. Ang susunod na showdown ay Pacquiao-Papin Live in Las Vegas! Get your tickets today!

  

Ayon sa mga balita, marami raw ang tumaya para kay Pacman bago ang laban kay Cotto kaya marami rin ang nanalo. Nope, hindi ito yung mga tumaya online at sa Las Vegas, yung mga sponsors ang nanalo dahil umabot ng 12 rounds! Ang laki ng Ricoa sa puwet ni Manny! Everybody happy!

 

Pagkatapos ng laban ni Pacman sa Las Vegas, maraming Pilipino ang nag-react sa kanyang laban. Eto ang iilan sa mga shoutouts ng ilang celebrities:

  
 

 

Dineny ng Commission on Elections (COMELEC) ang party-list accreditation ng grupong Ladlad dahil magiging masamang impluwensya nito sa kabataan. Nang tanungin ng aming chikadora kung sa papaanong paraan naging imoral ang grupo ang tanging sagot ng COMELEC ay:

COMELEC: Wit ko na bet ispluk ang chikang iyan! Dedma na, te! Basta isa silang malaking X-men!

Paano Nga Ba Bumoto Sa 2010?!

Thursday, November 5, 2009

Manood para malaman kung paano boboto sa darating na halalan!

Erap, Pacman and Jimmy, Alvin Flores, and Bahay ni PGMA?

 

Napaulat na gagawa ng commercial ang dating Pangulo na si Joseph Ejercito Estrada bilang pangtapat sa malaking commercial ni Noynoy Aquino. Wala raw mga showbiz personalities na mapapasama sa gagawin niyang commercial. Ayon kay Erap, gusto raw niyang i-highlight ang kanyang accomplishments bilang Pangulo ng Pilipinas sa loob ng 2 1/2 years. Ayon sa aming bakasyunistang chikadora, isasama sa mga video ang pagsasara ng Manila Times, ang Boracay Mansion, at ang paglawak ng juenteng sa buong Pilipinas! Success!

  

Nag-guest ang pambansang kamao na si Manny Pacquiao sa sikat na US TV show na Jimmy Kimmel Live! Ayon sa aming TNT na chikadora, napabalitang masama raw ang loob ni Pacman pagkatapos niyang mag-guest sa show. Bukod daw sa hindi raw pinayagan si Manny na gamitin ang kanyang WOW! Magic Sing, hindi rin pinakanta sa kanya ang kanyang Philippine hit song na “Para Sa Iyo Ang Laban Na Ito.”

 

Habang bumibirit si Manny Pacquiao ng “Sometimes When We Touch”, napabalitang nainis daw si Ka Freddie Aguilar. Ayon sa isang hindi mapagkakatiwalaang source ng aming chikadorang nagbebenta ng yosi malapit sa restaurant ni Ka Freddie, sinabi ni Ka Freddie na “Alam mo tayong mga Pilipino,pagdating sa gayahan, tayo na ang magaling. Hindi ba tayo puwede kumanta ng sariling atin? Eto na raw ang pangarap nila na makarating sa Las Vegas. Eh, nakarating na sa Las Vegas, ang kinanta kanta pa rin ng mga Kano. Sa palagay mo kung Kano ka, bibilib ka sa mga kumakanta sa entablado? At sa tingin mo kaya, pag kumanta si Manny ng kanta ni Lucio San Pedro sa Jimmy Kimmel mababawasan ang kanyang pagiging magaling na singer?”

 

Ikinanta ng nahuling miyembro ng Alvin Flores Gang na nagparetoke sa isang doktor sa Antipolo ang lider ng grupo. Ito ang isa sa posibleng angulo kung bakit nahirapang mahuli si Alvin Flores. Matatandaan na ang grupo ni Alvin Flores ang pangunahing suspect sa Rolex robbery sa Greenbelt 5.Bukod daw pinaliit ang mga mata at pagpapatangos ng ilong, nagpalagay pa raw ito ng dimple. Ayon sa aming chikadora na may karelasyon na NBI agent, nagpapasalamat ang NBI kina Dra. Vicky Belo at Dr. Manny Calayan.

On A Serious Note:

 

Napabalitang nagpatayo di umano ng bahay si Pangulong Gloria Macapagal-Arroyo sa Lubao, Pampanga. Ayon sa Philippine Daily Inquirer, ang pamangkin ni Leonora “Anong” Tiongco ang nagbenta ng lupa kay Rep. Juan Miguel “Mikey” Arroyo. Dahil dito, lalong umugong ang balitang tatakbo si PGMA bilang Congressman sa Lubao, Pampanga.

Ang tanong ko lang naman, saan kaya kinuha ang perang pampatayo ng bahay? Totoo bang may mga engineers ng DPWH ang nagsusupervise sa paggawa ng bahay? May white sand at wave pool din ba ito? Donasyon ba ito kay PGMA para kanyang retirement kaya wala pa ito sa kanyang SALN? Sino kaya ang kinuhang interior decorator ni PGMA?

Abangan…. 

Links:

Visit Philippine Daily Inquirer for full story on Gloria’s House, Say Lubao Folk

Visit Youtube.com for full video on Manny Pacquiao’s guest appearance on Jimmy Kimmel Live!

Visit ABS-CBN News on YouTube.com for full video on Alvin Flores’ plastic surgery